Маж се самозапали пред кривичниот суд на Менхетен, каде што е во тек судењето на поранешниот американски претседател Доналд Трамп, пишуваат американските медиуми.

Според Њујорк пост, се работи за помлад човек кој се полил со запалива течност во паркот Колект Понд, спроти судницата.

Весникот наведува дека околу 20 луѓе, врескајќи, побегнале од паркот.

На Трамп му се суди за наводно фалсификување деловни документи во случај на тајни плаќања во готовина на порно актерката Сторми Даниелс и се соочува со затворска казна до 10 години.

Поранешниот американски претседател се изјасни за невин по 34 точки од обвинението.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.