Францускиот претседател Емануел Макрон се огради од коментарите на американскиот претседател Џо Бајден за рускиот претседател Владимир Путин и предупреди на „вербална ескалација на војната во Украина“.

За време на синоќешната посета на Варшава, Бајден изјави дека Путин е крвник и дека „не може да остане на власт“, ​​пишува „Гардијан“.

Не би ги користел тие зборови. Мора да се направи се за да се запре ескалацијата на ситуацијата, изјави францускиот претседател за Франс 3.

Тој исто така рече дека својата задача ја гледа прво кон постигнување прекин на огнот, а потоа целосно повлекување на руските трупи преку дипломатија.

Ако сакаме да го направиме тоа, не можеме да ја ескалираме ситуацијата со зборови или дела, рече Макрон.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.