Францускиот претседател Емануел Макрон денеска ја започнува тридневната посета на Германија, што е прва посета на француски претседател на Берлин во последните 24 години.

Макрон ќе се сретне со германскиот претседател Франк-Валтер Штајнмаер, со кого ќе посети неколку региони на Германија и ќе ги нагласи добрите и единствени односи меѓу двете земји, објавено е на веб-страницата на германскиот претседател.

Најавено е дека Макрон и Штајнмаер денеска прво ќе го посетат фестивалот на демократијата во Берлин за да ја одбележат 75-годишнината од германскиот основен закон и 35-годишнината од мирната револуција во 1989 година што доведе до повторно обединување на двете Германии.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.