Финска од полноќ ја затвора својата граница за руски туристи, соопшти денеска финската Влада.

Шефот на финската дипломатија, Пека Хависто, на прес-конференција изјави дека границата ќе биде затворена за сите руски туристи, но не и за сите руски граѓани, пренесуваат британските медиуми.

Според Хависто од оваа забрана ќе бидат ослободени сите руски граѓани кои го посетуваат семејството, како и оние кои работат или студираат во Финска.

Наредбата за делумна мобилизација во Русија предизвика протести низ Русија, апсења на демонстранти и заминување на руски граѓани од таа земја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.