На митинг синоќа во Северна Каролина претседателот на САД, Џо Бајден предложи намалување на здравствените трошоци во САД и зголемување на данокот за богатите Американци од 8,2 до 25 отсто, аргументирајќи дека тоа е можност за значајно пополнување на федералниот буџет во наредните десет години.

-Замислете што би можеле да направиме со тоа, изјави тој.

Би можеле фундаментално да го намалиме федералниот дефицит… Би можеле да направиме толку многу последователни работи како и тоа конечно да се осигураме да ја згрижиме Украина од тој касап Путин, рече претседателот на САД.

Бајден и претходно не штедеше зборови за рускиот претседател и изјави дека тој смета дека Путин е убиец и „луд кучкин син“ кој се заканува со нуклеарни бомби.

На митингот синоќа Бајден настапи заедно со потпретседателката Камала Харис.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.