Градоначалникот на општина Гази Баба Бобан Стефковски го објави новиот социјален пакет за помош на социјално загрозените граѓани. Општина Гази Баба ќе исплаќа паричната помош за социјално загрозени граѓани погодени од енергетската и финансиската криза како месечен надомест за месеците јануари и февруари 2023 година.

Во социјалниот пакет се опфатени две категории и тоа:
Паричната помош за месечна субвенција за електрична енергија за социјално загрозени граѓани, жители на Општина Гази Баба. За оваа парична помош може да поднесат барање членови на домаќинства кои се корисници на парична помош од социјална заштита (гарантирана минимална помош).
Месечна парична помош за корисници на пензија до најмногу 15.000,00 денари, жители на Општина Гази Баба. За оваа парична помош барање може да поднесат сите приматели на ниски пензии во висина до најмногу 15.000 денари, жители на Општина Гази Баба.
Јавниот повик е во тек и ги повикувам граѓаните да аплицираат, објави Стефковски.

Ова е втор социјален пакет кој го реализира општина Гази Баба за помош на своите граѓани.

Јавниот повик погледнете го тука  



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.