Скопје веќе две години го голта црна дука и блиску е денот кога ќе исчезне како вселенска грутка ѓубре. Приватни превозници на улиците сѐ уште нема, капитални проекти па ич, Универзална сала сѐ уште зјапи отворена за да се доуништи и тоа што останало од салата, решенијата за данок кои беа поделени годинава само се повеќе погрешени отколку точни… и да не наројуваме уште кога и онака нашата градска шмизла е на тенис во Бања Лука.

15 предизвици кои Данела ја направија личност на годината – Кој излегол на крај со стрина?!

Да, драги скопјани, Данела не е дома туку на АТП-турнирот Српска опен во Бања Лука.

Скопска шмизла (фото: Википедија)

Всушност, Данела е во Република Српска на покана на градоначалникот на Бања Лукa Драшко Станивуковиќ, со кого денес имала и официјална работна средба на која ги побратимиле Скопје и Бања Лука.

Арсовска вели дека Бања Лука е економски, политички и културен центар на Република Српска, со огромен потенцијал за развој на трговската размена и економијата, па затоа покренале иницијатива за збратимување на двата града.

Од друга страна, и побратимот Драшко Станивуковиќ повеќе е познат по скандалите отколку по проектите.

Триесетгодишниот политичар е градоначалник на Бања Лука од 2020 година. Тој е член на партијата за демократски прогрес (ПДП), а во политиката е активен од 18 години. Живее во палата од филмовите, во која како што пишуваат талоидите едвај чека да се всели српската турбо-фолк пејачка Тања Савиќ.

Фолк пејачката Тања Савиќ сака да влезе во него: Погледнете во каков дворец живее градоначалникот на Бања Лука

 

Станивуковиќ е скандал мајстор и со професионалниот живот како и во приватниот. На интернет сѐ упте е достапна снимка, на која колешка во службените канцеларии го јава како коњ. Тој ја потврди автентичноста на снимката, но рече била направена пред 3 години.

Моите грешки ми штетат само мене, нивните на сите, возврати градоначалникот на Бања Лука, кого колешка го јаваше како коњ

Политички, за Станивуковиќ се врзуваат доста контроверзи.

Ги нарече Црногорците измислен народ, подифна спомен-плоча на мајорoт на ЈНА Милан Тепиќ, кој во 1991 се саморазнесе и уби со себе десет хрватски војници во Вуковар, геноцидот во Сребреница го нарече „големо злосторство и трагедија“. Во БиХ го нарекуваат „четник“, „негатор на геноцидот“ и „полош националист од Додик“. Смета дека секој има право на секакви одлуки, но додека тој е на чело на Бања Лука, геј парадата нема да се организира, бидејќи смета дека една е доволна за БиХ, онаа во Сараево, сето тоа со образложение дека е Србин и православен, како и дека „геј парадата не е во духот на нацијата на која ѝ припаѓа“.

Ставовите на Станивуковиќ во голема мера се контроверзни за реионот, а нашиот главен град е збратимен град со 27 градови во светот, од кои 7 се од поранешните ЈУ-републики: Белград, Ниш, Сараево, Софија, Загреб, Љубљана и Подгорица.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.