Кумот на Ковачевски, Паунов е со длабоки врски во СДС, картелот засилено работи по доаѓањето на СДС. Горанчо Паунов, коосновач на „Пиксел Груп“ со Ковачевски и основач КМГ ЕОЛ Квазар, кои во аферата Броило се фатени како свртеле 26 милиони евра е функционер во СДС, уште од 2005 година, кога бил претседател на општинскиот огранок во Гази Баба. Општина Гази Баба, е и општината која го распишува тендерот за менување на светилките со лед светилки, каде кумот на Ковачевски Паунов е надзор и се сомничи дека потпишал одобрение за пуштање во употреба на места каде воопшто нема бандери. Целиот тендер е тежок 11 милиони денари – обвинуваат од ВМРО-ДПМНЕ.

Од партијата велат дека кумот на Ковачевски, Паунов, бил и советник во Советот на Град Скопје, од редовите на СДС, а бил и претседател на партиски Совет за инвестиции и инфраструктура во СДС.

Кумот на Ковачевски, заедно со Ковачевски всушност ја основаат „Пиксел Груп“ 5 месеци откако СДС доаѓа на власт. И таа е фирмата околу која се врти аферата „Броило“. Денеска ќе објавиме нови детали како всушност картелот систематски работел – се додава во соопштението на ВМРО-ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.