Во интерес на јавноста и во интерес на МВР е ЈО за организиран криминал да отвори истрага за сиот случај ноќта од  1:45 минути на трети јуни, кога при акција на ЕБР во Градски парк пред дискотека, нападнат, фатен за врат и тепан со боксови е полицаец,  група од четири лица е приведена во полициска станица Карпош заради наркотици.

Но кривично правниот настан (нападот) е заведен дури во 6:30 минути сабајлето, цели пет часа подоцна,  и во него се споменуваат три лица!, вели портпаролот на ВМРО-ДПМНЕ Наум Стоилковски.

Почитувани, ЈО за организиран криминал мора да ги расчисти околностите за коишто постојат многу индиции, а фрлаат огромен сомнеж за партизација, самоволие, неказнивост и злоупотреба на МВР.

 

Наместо соопштенија од МВР, во интерес на јавноста е ЈО за организиран криминал да одговори, и тоа по редослед;

·         Зошто во ПС Карпош минуваат 5 часа од записникот за приведување на 4 лица, до заведувањето на нападот врз полиција со вклученост на 3 лица?

·         Дали во попречувањето на полициската акција во Градски парк, пред дискотека, учествувал и синот на директорот на БЈБ, Сашо Тасевски?

·         Дали имало присуство и лично на директорот на БЈБ Сашо Тасевски?

·         Дали има злоупотреба на овластувања и е правен притисок врз ПС Карпош од директорот на БЈБ, Сашо Тасевски или негово семејство, за изземање на лице од случајот, односно менување факти?

 

Премногу скандали се поврзани со недозволено оружје, недозволени материи, недозволиво однесување и сето тоа е проследено со неказнивост, што се поврзуваат со директор на БЈБ!

Сашо Тасевски единствено има партиска заслуга за позицијата, а молкот на институциите кон овие скандали е потврда за постоење на неказнивост!



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.