Директорот на Државниот завод за статистика Апостол Симовски не е запознаен со промените во пописните резултати во делот за религиската припадност.

Ќе провериме за што станува збор и ќе бидете известени во понеделник, најверојатно се работи за техничка грешка, но мора да провериме, вели тој за „Слободен печат“.

Според новата табела која од вчера е достапна на официјалната страница на ДЗЦ, има промена на бројот на атеисти каде првичната бројка беше дека само 355 лица во земјата се изјасниле како атеисти, додека сега бројката е 8.764.

Од 355 атеистите станаа 8.764: Има ли поголем доказ од ова за каков фалсификат се работи!?

Во оваа табела „исчезна“ и графата Евангелско-протестантски христијани каде претходно беа впишани 8.764 лица. Од табелата мистериозно исчезнаа и попишаните лица чија по верска определба чија бројка беше помала од 500, па така ги „снема“ и попишаните лица кои се изјасниле како Евреи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.