Претседателот на ВМРО-ДПМНЕ, Христијан Мицкоски за време на денешната посета на Општина Гевгелија ја коментираше и состојбата во здравството и неисплатените плати на здравствените работници за што рече дека е шокантен случај на неспособност, а владата наместо да бара одговорност од директорите на фондот кои се од ДУИ и СДСМ, таа ги штити истите.

Тоа е уште еден шокантен случај на неспособност којашто боли, на оваа влада на ДУИ поддржана од СДСМ. Имате двајца директори во фондот, едниот од ДУИ, а другиот од СДСМ кои што се буквално заштитени од власта за неспособноста и за ова хаотично работење. Што е резултатот од тоа? Резултатот од тоа е украдени податоци на осигуреници, немотивирани лекари, бидејќи немаат добиено месечна плата која што им следува, десетици илјади се такви и владата наместо да бара одговорност и да има разрешување веднаш тие ги штитат и директорот од ДУИ и директорот од СДСМ, истакна Мицкоски.

Тој исто така потенцираше дека оваа акутна несподобност на власта се рефлектира на секоја област во државата и токму поради тоа потребни се предвремени парламентарни избори

Јас би рекол акутна неспособност која што се рефлектира на секое едно поле, во секоја една област во државата и токму поради тоа се потребни предвремени избори. Колку побргу ќе имаме нова влада која што ќе ја врати довербата кај граѓаните и која што ќе ги исправи овие грешки, толку побргу на Македонија ќе и тргне, додаде Мицкоски.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.