Во пресрет на вториот круг од претседателските избори во Црна Гора вчера, македонскиот премиер Димитар Ковачевски во видео обраќање му даде поддршка на досегашниот црногорски претседател Мило Ѓукановиќ, кое ноќта по соопштувањето на конечните резултати експресно беше избришано.

Јаков Милатовиќ победи на претседателските избори во Црна Гора во неделата, освојувајќи околу 60 отсто од гласовите, додека неговиот противкандидат и поранешен претседател Мило Ѓукановиќ освои околу 40 отсто, објави ЦЕМИ врз основа на над 80 отсто преброени гласови.

Не е невообичаено странски политичари во време на изборните трки да поддржуваат тамошни функционери и кандидати од сродните политички опции. Во овој случај уште повеќе што некои медиуми шпекулираа со наводни деловни врски на Ковачевски со луѓе од блиското опкружување на Ѓукановиќ. И тука нема ништо спорно, но се чини срамно е и некоректно лидерот на македонските социјалдемократи да ја негира сега поддршката на челникот на црногорската Демократската партија на социјалистите (ДПС) на Ѓукановиќ, затоа што секако меѓупартиската соработка би требало да продолжи и натаму.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.