Аудито на Груби купено од Еуроком Лајтинг која од градежна фирма презема хотел на Шапка по цена од гарсоњера, велат од ВМРО-ДПМНЕ, додавајќи дека според податоците кои излегоа во медиумите Еуромкм Лајтинг е фирма која за само 55.000 евра купи хотел на Попова Шапка од една градежна компанија, која потоа добива милионски тендер од власта.

Медиумите пишуваа дека Еуриком Лајтинг го добила хотелот како предуслов градежната фирма да го добие тендерот. Според нашите информации Аудито на Груби е ново, произведено во 2021 година, и истото според кажаното и на самите министри на ДУИ е возило на Артан Груби. Која фирма и кој бизнисмен купува и му отстапува возило од 80.000 евра на политичар на услуга? Што е тоа што Груби го направил за фирмата и за тој бизнисмен за да добие на поклон за користење Ауди А6? Дали всушност Груби стои зад фирмата Еуроком Лајтинг или тој е во одредени односи со истата и какви се тие односи? Кога приватна фирма дава услуга на политичар без надомест, во износ од 80.000 евра, очигледно е дека се работи за корупција. Институциите конечно да се охрабрат и да отворат постапка против Груби, велат од ВМРО-ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.