Српскиот тенисер Новак Ѓоковиќ ќе игра на Австралијан опен откако потврди дека добил дозвола од организаторите да настапи со медицинско изземање. Најдобриот светски тенисер одбиваше да каже дали е вакциниран, што е услов за настап на првиот гренд слем во сезоната и сега на Инстаграм кажа дека добил потврда за медицинско изземање.

Директорот на тенискиот турнир во Мелбурн Крег Тили претходно кажа дека тенисерите мора да бидат целосно вакцинирани или да имаат медицинско изземање.

Среќна нова година на сите. Ви посакувам здравје, љубов и среќа во секој момент и да чувствувате љубов и почит за сите битија на оваа прекрасна планета. Поминав фантастично време со моите сакани за време на паузата и денеска патувам за Австралија со дозвола за медицинско изземање, напиша Ѓоковиќ на Инстаграм.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.