Турскиот претседател Реџеп Таип Ердоган денеска изјави дека Анкара ќе го поддржи членството на Шведска во НАТО доколку Европската унија повторно ги отвори преговорите за членство на Турција во ЕУ.

– Прво, да го отвориме патот за влез на Турција во ЕУ, а потоа ќе го отвориме патот за Шведска, како што направивме за Финска – изјави Ердоган на новинарите пред годишниот самит на НАТО во главниот град на Литванија, Вилнус.

Преговорите меѓу Турција и ЕУ се во застој веќе неколку години.

Турција поднесе барање за членство во Европската економска заедница во 1987 година и во Европската унија во 1999 година, но преговорите за пристапување во ЕУ, кои започнаа во 2005 година, беа погодени од голем број тешки проблеми и недостаток на ентузијазам од клучните земји на ЕУ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.