Предлог-законот за изменување и дополнување на Законот за градење ќе биде разгледан денеска на редовна седница на Владата.

Целта на предложените измени е предвидување посебна постапка за поставување на фотонапонски електроцентрали на објекти од страна на потрошувачи-производители како и на категоризација на градбите за производство на електрична енергија од обновливи извори, информира владината прес-служба.

На 75. седница, меѓу другото, пред членовите на Владата ќе се најде и Извештајот за завршени преговори за склучување на Договор за соработка во областа на механизмите за обезбеденост со храна во Западен Балкан.

За заклучоците и одлуките од владината седница, која ќе започне во 12:00 часот, јавноста ќе биде информирана со соопштение, најави владината прес-служба.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.