По преземени мерки и активности, полициски службеници од Полициската станица Штип и Отсекот за општ криминал при СВР Штип приведоа двајца малолетници на возраст од 17 години и еден на возраст од 15 години од Скопје и Штип.

Тие се сомничат дека сториле четири кривични дела „кражба“, од кои три извршени на 08, 09 и 10.04.2023 од продажни објекти во трговски центар во Штип, од каде биле одземени пари, облека и спортска опрема, додека четвртото кривично дело „кражба“ го извршиле на 29.12.2022 од угостителски објект во Штип од каде одзеле пари.

Расчистени се и едно кривично дело „тешка кражба“ извршена на 10/11.03.2023 од продажен објект во Штип, за која осомничен и приведен во Полициска станица бил Т.З.(45) од Штип и едно кривично дело „кражба“ извршена на 06.04.2023 од двор од правно лице од општина Карбинци од каде биле одземени метални предмети, за која осомничен и приведен бил Р.Г.(43) од Штип.

Во службен разговор во полициска станица тие ги признале делата, а украдените предмети биле одземени и вратени на оштетените граѓани. По целосно документирање на случаите, против нив ќе бидат поднесени соодветни кривични пријави.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.