Поради снежни врнежи во Истанбул, променето е работното време во јавните установи и организации, а прекинати се и меѓународните летови. Влезот на возила во градот во голема мера е запрен, а огромен метеж има на постојките на јавниот превоз.

Во Истанбул повремено продолжуваат обилните снежни врнежи. Летовите во градот се главно откажани. Имаше многу сообраќајни несреќи на замрзнатите коловози. Во несреќа во Арнавуткој се судриле 30 возила.

На некои места во градот сообраќајот целосно е запрен. Дел од граѓаните ги оставиле возилата покрај патот и продолжиле пеш.

Поради обилни снежни врнежи и неповолни временски услови во Истанбул се затворени сите градинки и дневни центри.

Летовите на аеродромот во Истанбул се прекинати до 04:00 часот до 25 јануари, меѓу кои и летовите за Скопје.

Гувернерот на Истанбул Али Јерликаја објави дека работното време на трговските центри е променето поради обилните снежни врнежи.

Поради обилните снежни врнежи и неповолните временски услови во нашиот град, од оваа вечер трговските центри ќе бидат затворени во 19.30 часот. Им благодарам на моите сограѓани за трпението и разбирањето – објави Јерликаја.

Според соопштението на Генералната дирекција за автопати, запрен е целиот сообраќај од Сакарија за возила кои одат кон Истанбул од страна на Анадолија, само сообраќајот на тешки возила од Коџаели и целиот сообраќај од Јалова кон Истанбул и Измир.

Гувернерот на Истанбул најави дека излезите на Есенлер, Харем и сите мобилни автобуски станици се стопирани до утре до 08:00 часот.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.