Претседателската на Косово, Вјоса Османи смета дека претседателот на Турција, Реџеп Таип Ердоган може да го убеди нивниот српски колега, Александар Вучиќ да ја признае независноста на Република Косово, јави дописникот на МИА од Приштина.

Во интервју за Светскиот сервис на турската државна телевизија ТРТ (TRT World), кое синоќа го пренесе на нејзината официјална страница на Фејсбук, Османи го покани нејзиниот турски хомолог да го посети Косово.

– Јас верувам дека турскиот претеседател Ердоган може да има мошне значајна улога во убедувањето на Вучиќ дека единствениот пат за обезбедување долгорочна стабилност во Западен Балкан е признавањето на косовската независност од страна на Србија, рече Османи.

Напоменувајќи дека дијалогот меѓу Косово и Србија сепак се одвива со посредство на Европската унија, косовската претседателка нагласи дека Србија не почитува низа од договорите кои ги потпишала.

– Ердоган може да ги убеди да ги одржат ветувањата, изјави Османи. иа/сд/



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.