Вечерва на улиците на Атина избувнаа нереди кога голем број граѓани гневни на владата излегоа на улиците.

Причина за гневот е што Владата ја приватизираше железничката компанија „Хеленик Треин“ која во моментов оперира со патнички и товарни возови.

Полицијата со солзавец се обиде да ги спречи луѓето на улиците.

Грчкиот премиер Киријакос Мицотакис вечерва изјави дека сè укажува дека човечка грешка е причина за несреќата во која загинаа повеќе од 40 лица, но дека ќе биде формирана независна комисија од експерти која ќе истражи се.

– Штотуку се вратив од местото на трагедијата која засекогаш ќе остане во нашата колективна меморија. Десетици наши сограѓани Грци, главно млади луѓе, таму ги загубија животите во страшна железничка несреќа што не е запишана во историјата на нашата земја – рече Мицотакис во своето обраќање.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.