Силното невреме кое вчера го зафати Балканот, по Хрватска и Србија, продолжи на подрачјето на Црна Гора.

Урнати плажи, потонати автомобили, силен невреме кој корне дрвја се глетките што утринава ги пречекаа граѓаните.

Како што може да се види на видеата објавени на страницата на Инстаграм podgoricki_vremeplov, чадори, лежалки и маси се однесени од силниот ветер на плажите, а сообраќајот е едвај прооден.

Како што пренесуваат црногорските медиуми, центарот на Будва е под вода поради обилните врнежи, низ недовршена улица на 22 ноември течат потоци. Водата го поплави целото шеталиште.

Во Никшиќ силното невреме оштети покриви на куќи и откорна дрвја.

Невремето не ја поштеди ниту Подгорица, каде паднатите гранки од дрвјата го отежнуваат сообраќајот речиси по целиот Булевар Свети Петар Цетињски.

Три кранови се уништени во пристаништето Бар поради силно невреме.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.