Тешка сообраќајна несреќа се случила во саботата наутро на автопатот 53 во Унгарија, кога дури 15 лица биле повредени при превртување на автобус од Србија, кој превезувал туристи од Белград.

Во автобусот имало 55 патници и двајца возачи.

На 2 километри од Кишкунхалас, автобусот од непозната причина тргнал во спротивен правец и потоа се превртел со полна брзина, пренесува Телеграф.

Според унгарските медиуми, повредени се 15 лица, а 12 се веќе во болница.

Брзата помош на лице место згрижила тројца.

Меѓу повредените патници има и две деца, кои исто така се пренесени во болница.

Некои патници останале заробени во автобусот, па биле извлечени од пожарникарите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.