Еден од најдобрите возачи во историјата на Формула 1, Аиртон Сена го загуби животот на 1 мај 1994 година кога со својот болид при брзина од 310 км/ч удри во ѕид на патеката во Имола.

Роден е на 21 март 1960 година, а како тинејџер освоил неколку награди во картинг, по што во 1982 година се преселил во Англија, каде што ѝ се посветил на професионалната кариера во Ф1, додека две години подоцна дебитирал во „најбрзиот циркус“ во светот.

Сена привлече внимание истата година на трката за Големата награда на Монако, кога зад себе го остави Ники Лауда и беше блиску до Алан Прост, додека до првата победа стигна во 1985 година во Португалија.

Легендарниот возач во текот на кариерата оствари 41 победа, а уште 39 пати се најде на подиумот, а исто така освои три шампионски титули во 1988, 1990 и 1991 година.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.