Капитенот на Баерн Минхен, 36-годишниот голман Мануел Ноер, го продолжи договорот со германскиот фудбалски гигант до лето 2024 година.

Ноер дојде во Баерн во 2011 година од Шалке и во изминатите 11 сезони со клубот од Минхен освои десет германски титули, пет трофеи во националниот куп, а два пати триумфираше во Лигата на шампиони.

Ноер во кариерата има 473 настапи за Баерн, а бранеше на 109 натпревари на голот на Германија со која во 2014 година ја освои светската титула.

– Мануел Ноер е најдобриот голман во светот, изјави неговиот претходник на голот на Баерн и германската репрезентација Оливер Кан.

– Да се задржиш на светскиот врв толку долго време е неверојатно достигнување, додаде извршниот директор на минхенски Баерн

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.