По цели три месеци, од првите денови на октомври, во Дебар регистриран е смртен случај како последица на Ковид-19.

Станува збор за повозрасен пациент, жител на градот, кој беше хоспитализиран во ковид центарот во нашата болница. Моментно на болнички третман имаме еден пациент, кај кого со брз тест не се покажува дека е заразен, но е со ниска сатурација. Чекаме резултат од дополнителната анализа, изјави за МИА, Баки Алили, директор на Општата болница со проширена дејност.

Во текот на изминатите два месеца, епидемиолошката состојба може да се оцени како стабилна, зашто во ноември, како и во декември имало по два новозаразени.

Од почетокот на пандемијата, според официјалната статистика, вкупниот број заразени изнесува 1.458 а починале над осумдесет.

Апелирам до сите граѓани на поголема внимателност и почитување на мерките за заштита и секако оние кои тоа не го сториле да се вакцинираат. Секој кој сака да се имунизира тоа може да го направи во нашиот вакцинален пункт, кој функционира во кругот на установатра. Секако тука непречено се аплцира и трета доза, за што не е потребно претходно закажување на термин, апелира Алили.

Но и покрај апелите на надлежните сепак ретко кој носи заштитна маска и во усгостителските и трговските објекти, кои се препопни, поради присуството на иселенците од западно европските земји. Надлежните стравуваат дека по новогодишните празници можно е зголемување на бројот на заразени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.