Познатиот хрватски молекуларен биолог Мирослав Радман кој вчера беше гостин на „РТЛ Диект“, вели дека изгледа дека омикрон е крајот на пандемијата на ковид, но никогаш не можеме да бидеме сигурни за иднината.

Секогаш може да има нов мутант, кој одеднаш ќе биде подобро прилагоден, како што се појавија делта и омикрон мутантите. Омикрон е оштетен од сопствените мутации.

Имено, за да избега кој било вирус од нашиот имунолошки систем, најдобро е тој да се менува многу често. Како што е тоа типично вирусот на СИДА, објасни Радман.

Тој објасни дека вирусот ХИВ се менува толку брзо што никогаш не е произведена ефикасна вакцина против него. Слична е ситуацијата и со коронавирусот. Се спасува од имунолошкиот систем со голема фреквенција на мутации, но тие промени се случајни и со нив тој ја уништува сопствената биолошка активност.

Очигледно се движи кон биолошка слабост, вели тој.

Прашан дали ова што тој го најавува е смрт на вирусот, тој одговори потврдно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.