Италијански ресторан им нуди бесплатно шише вино на гостите кои ќе се откажат од мобилните телефони за време на оброкот.

Целта на Анџело Лела, сопственикот на неодамна отворениот ресторан „Ал Кондоминио“ во Верона, е да ги поттикне гостите да разговараат додека јадат наместо постојано да гледаат во нивните телефони, објави „Гардијан“.

Гостите од ресторанот кои ќе се решат да го сторат тоа, го ставаат телефонот во посебна кутија на влезот и го покажуваат клучот на келнерот кој ќе им донесе шише вино.

Во кутијата гостите можат да ја стават и својата оценка за оброкот, а на оние кои се највпечатливи ќе им биде понуден оброк следниот пат кога ќе дојдат.

„Ал Кондоминио“ верува дека тоа е првиот ресторан во регионот Венето со новата иницијатива, иако има неколку други, вклучувајќи го и оној во Тоскана кој на гостите им дава ваучери доколку ги остават своите мобилни телефони зад себе.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.