Следуваат три продолжени викенди за македонските граѓани, во кои ќе се одбележат Велигден, Бајрам и Први мај.

Овој петок е неработен за православните граѓани, додека понеделникот, ден после Велигден, е неработен за сите. Следниот петок е Рамазан Бајрам, кој е прогласен за државен празник, па со тоа е и неработен за сите граѓани, не само за верниците од исламска вероисповед.

Третатиот продолжен викенд по ред е поради Меѓународниот ден на трудот, 1 Мај, кој годинава паѓа во понеделник.

После овие три последователни празници, следните мини одмори за православните верници се на 2 јуни – петок пред Духовден, како и 28 август и празникот Успение на Пресвета Богородица, кој годинава паѓа во понеделник.

За сите граѓани на РМ:
01 јануари (недела), Нова Година, 02 јануари (понеделник) е неработен ден,
07 јануари (сабота), Божик, првиот ден на Божик според православниот календар,
17 април (понеделник), Велигден, вториот ден на Велигден според православниот календар,
21 април (петок), Рамазан Бајрам, првиот ден на Рамазан Бајрам,
1 мај (понеделник), Ден на трудот,
24 мај (среда) „Св. Кирил и Методиј“ Ден на сесловенските просветители,
02 август (среда), Ден на Републиката,
8 септември (петок), Ден на независноста,
11 октомври (среда), Ден на народното востание,
23 октомври (понеделник), Ден на Македонската Револуционерна Борба,
8 декември (петок), „Св. Климент Охридски“.
За граѓаните од православна вероисповед
06 јануари (петок), Бадник, ден пред Божик,
19 јануари (четврток), Богојавление (Водици),
14 април (петок), Велики Петок, петок пред Велигден,
2 јуни (петок), Духовден, петок пред Духовден,
28 август (понеделник), Успение на Пресвета Богородица (Голема Богородица).
За граѓаните од католичка вероисповед
10 Април (понеделник), Велигден, вториот ден на Велигден,
01 ноември (среда), Празникот на сите светци,
25 декември (понеделник), првиот ден на Божик.
За граѓаните од муслиманска вероисповед
28 Јуни (среда), Курбан Бајрам, првиот ден на Курбан Бајрам.
За граѓаните припадници на албанската заедница
22 ноември (среда), Ден на Албанската азбука.
За граѓаните припадници на српската заедница
27 јануари (петок), Свети Сава.
За граѓаните припадници на ромската заедница
08 април (сабота), Меѓународен ден на Ромите.
За граѓаните припадници на влашката заедница
23 мај (вторник), Национален ден на Власите.
За граѓаните припадници на еврејската заедница
25 септември (понеделник), Јом Кипур, првиот ден на Јом Кипур.
За граѓаните припадници на бошњачката заедница
28 септември (четврток), Меѓународен ден на Бошњаците.
За граѓаните припадници на турската заедница
21 декември (четврток), Ден на настава на турски јазик.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.