Утревечер не очекува вистинско астрономско уживање. Имено, ноќта на 1 август ќе се појави првата августовска супермесечина, а само 30 дена подоцна втората полна месечина, позната како „сина месечина“.

Покрај тоа, во ноќта на 1 август, кога изгрева супермесечината, и Меркур и Марс ќе бидат видливи на небото, што не се случува многу често.

Ако времето е добро и небото ведро, ќе биде можно да се видат детали од површината на Месечината со голо око, како што се темните рамнини формирани од древните вулкански текови на лава. За поблиско проучување, потребни се двоглед или телескоп. Или мобилен уред со висок степен на зумирање.

Астрономите истакнуваат дека овој феномен со две супермесечини во рок од еден месец се случил во 2018 година, а следниот пат можеме да го очекуваме дури во 2037 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.