Полната Месечина во знакот Вага ќе го достигне својот врв на 16 април околу 21 часот. Сепак, нејзината енергија ќе ја почувствуваме четири дена пред и четири дена по оваа Месечева мена. Можно е во овој период да се зголемат одредени тензии во нашите животи, но полната Месечина е овде за да ни даде сила да се ослободиме од сето она што нè ограничува, да ги прифатиме промените и да најдеме хармонија во нашето постоење.

За да добиеме нешто во животот мора да се ослободиме од нешто друго. Мора да ѝ ставиме крај на напнатоста доколку сакаме среќата да нè води во животот. Една од планетите која ќе биде особено активна во текот на овие денови е џуџестата планина Ерида.

Ерида е позната како божица на раздорот и расправиите. Таа ќе биде „главниот играч“ за време на полната Месечина, но нека не ве плаши значењето на нејзиното име. Меѓу другото, таа е и моќен воин со женска енергија. Силна, самоуверена и борбена, ќе ни помогне да ја прифатиме нашата силна женска страна, онаа која нè прави неуништливи воини. Ова е моментот кога ќе откриете кои се вашите моќи и со нови сили ќе тргнете по патот до целта.

За сето ова време, енергијата на полната Месечина во знакот Вага ќе ви биде водичот кој ќе ви го покаже патот. Ќе се почувствувате моќни, посакувани и сигурни во вашето тело. Магијата на полната Месечина ќе го разгори вашиот пламен кој ќе ви ги врати мудроста и силата. Одново ќе воспоставите рамнотежа на енергијата во себе што ќе ви помогне да ги постигнете сите цели.

Прифатете ја вашата интуиција, нагласете ги вашите квалитети и обидете се да се справите со лошите карактерни црти. Со оглед на тоа дека периодот ќе биде идеален за воспоставување рамнотежа, запрашајте се себеси во кој аспект од животот ви е потребна поголема рамнотежа.

Честопати, напнатоста се јавува како резултат на неурамнотежениот начин на живеење и функционирање, затоа искористете ја енергијата на Месечината за да го вратите животот на вистинскиот пат.

Вагата е знак кој влијае врз начинот на кој се поврзуваме со другите, па така овој период ќе бидат истакнати нашите односи. Не заборавајте дека повеќето луѓе кои ќе ги сретнете во животот се еден вид ваши „огледала“. Тие можат да ви откријат работи за самите вас кои вие свесно или не сте ги скриле во себе или не сте можеле да ги увидите.

Од друга страна, не заборавајте ја идејата за хармонија. Знајте дека сè што се распаѓа и исчезнува, секое „несогласување“ е, всушност, можност да се посветите на нешто ново и добро.

Полната Месечина ќе ви ја даде потребната сила да се збогувате со сето она кое не ви носи хармонија во животот. Верувајте во мудроста и интуицијата кои лежат длабоко во вас, особено кога треба да донесете важни одлуки.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.