Институтот за јавно здравје на Белгија информира дека индикаторите за Ковид-19 се влошуваат, јави дописничката на МИА од Брисел.

Бројот на новозаразени се зголемил за 43 отсто во текот на изминатата недела, бројот на починати од вирусот е зголемен за 45 проценти.

Расте и стапката на позитивност и достигнува над 30 отсто.

Од почетокот на овој месец зголемен е и бројот на хоспитализирани поради Ковид-19 за 27 отсто, од 1.660 хоспитализирани, 87 се наоѓаат на интензивна нега.

Стапката на репродукција на вирусот исто така е зголемена. Овој индикатор покажува дали заразата забрзано се шири. Кога стапката надминува еден тоа значи дека вирусот зема замав. Во Белгија моментално стапката изнесува 1,18.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.