Унгарскиот премиер Виктор Орбан пристигна во Киев, што е негова прва посета на Украина по целосната инвазија на Русија во 2022 година.

Фајненшл тајмс и Гардијан, цитирајќи неименувани официјални лица, велат дека се очекува Орбан да има средба со претседателот на Украина Володимир Зеленски на 2 јули.

Ниту украинските, ниту унгарските власти веднаш не ги потврдија новинарските извештаи.

Патувањето следува еден ден откако Унгарија го презеде ротирачкото претседателство со Советот на Европската Унија.

Орбан важи за критичар на западната воена помош за Киев и е еден од ретките западни лидери кои се сретнале со рускиот претседател Владимир Путин по инвазијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.