Генералниот секретар на НАТО, Јенс Столтенберг, изјави дека официјален Стокхолм презел важни чекори за исполнување на барањата на Турција за одобрување на членството на Шведска во Алијансата.
Го поздравувам фактот што Шведска веќе почна да ја менува својата антитерористичка легислатива и дека ќе се погрижи правната рамка за извоз на оружје да го одразува идниот статус на членките на НАТО со нови обврски кон сојузниците – порача Столтенберг на заедничката прес-конференција со шведската премиерка Магдалена Андерсон.
Столтенберг додаде дека ова се два важни чекори за решавање на загриженоста изразена од Турција.
Андерсон соопшти дека Шведска ги променила своите закони за тероризам и е во процес на дополнително заострување на регулативите.
Од 1 јули ќе имаме уште посилно законодавство кога станува збор за борбата против тероризмот. Нема прашање колку силно шведските власти сакаат да се борат против тероризмот. Ние сме подготвени да придонесеме во борбата против тероризмот – додаде Андерсон.
Столтенберг нагласи дека целта е Шведска и Финска да влезат во НАТО „што е можно поскоро“ и дека е незамисливо сојузниците од НАТО да не ја бранат Шведска доколку биде нападната.
Шведска и Финска минатиот месец поднесоа барање да се приклучат на западната одбранбена алијанса како одговор на конфликтот во Украина.
Двете земји се соочија со противење од Турција, која ги обвини дека ги поддржуваат и засолнуваат курдските милитанти и другите групи што ги смета за терористи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.