Во сообраќајна несреќа во канадската провинција Манитоба најмалку 15 луѓе загинаа откако камион удри во возило во кое се превезувале стари лица и инвалиди.

Според информациите на тамошните медиуми, несреќата се случила во близина на градот Карбери, 170 километри западно од Винипег.

Доколку се потврди бројот на жртвите, ова ќе е една од најсмртоносните сообраќајни несреќи во историјата на Канада.

Во април 2018 година, 16 луѓе загинаа во друга канадска општина откако камион удри во автобус кој превезуваше јуниорски хокеарски тим.

Возачот на камионот кој беше виновен за несреќата беше осуден на 8 години затвор.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.