Шпанската метеоролошка служба издаде предупредувања за нови врнежи во Валенсија и Кастелон – области погодени од разорни поплави во последните неколку дена во кои загинаа најмалку 161 лице.

Иако не се очекува да биде толку силен како оној што падна претходно оваа недела, најавениот дожд претставува нов проблем за жителите зашто натамошните врнежи може да предизвикаат дополнителни поплави.

Надлежните апелираат до граѓаните да не ги напуштаат своите домови доколку не е неопходно.

Во разорните поплави што погодија региони во источна Шпанија, досега, според последниот биланс, загинаа најмалку 161 лице. Спасувачките екипи сè уште трагаат по исчезнатите, а во потрагата од денеска се вклучуваат уште 500 припадници на шпанската армија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.