Седумдесет рудари останаа затрупани во два рудници за јаглен во Тајван по силниот земјотрес.

Во едниот рудник има 64, а во другиот шест, соопштија пожарникарите.

Најмалку девет лица загинаа, а повеќе од 930 се повредени во земјотресот со јачина од 7,4 степени според Рихтеровата скала што денеска ја погоди тајванската област Хуалиен, недалеку од епицентарот на истокот на островот.

Земјотресот и последователните потреси предизвикаа и 24 одрони и оштетувања на 35 патишта, мостови и тунели.

Властите изгубија контакт со 50 луѓе кои патуваа со минибус низ Националниот парк Тароко, бидејќи мобилните комуникации беа прекинати.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.