САД синоќа соопштија дека наредиле да се вратат дома членовите на семејствата на вработените во Амбасадата во Украина, повикувајќи ги сите американски граѓани да размислат за заминување поради заканата од руска воена акција.

Американскиот Стејт департмент соопшти дека одобрил „доброволното заминување на американските државни службеници и наредил заминување на членовите на нивните семејства од Амбасадата во Киев поради континуираната закана од руска воена акција“.

На американските граѓани во Украина им е препорачано да размислат за можност за заминување.

„Граѓаните на САД во Украина треба да размислат за заминување без одлагање, користејќи ги можностите за комерцијални или други приватно достапни опции за превоз“, соопшти синоќа Стејт департментот во информациите за патување.

Амбасадата на САД во Украина објави дека се консултирала со украинската Влада за овој потег и оти ги координира чекорите со сојузниците и партнерските амбасади во Киев за да се утврди нивниот став.

„Русија може да изврши воена акција во секое време и американската Влада нема да биде во позиција да ги евакуира американските граѓани во таква криза, затоа тие мора да се подготват“, се вели во соопштението на Амбасадата.

Стејт департментот ги советува граѓаните на САД да не патуваат во Украина „поради зголемената закана од руска воена акција и Ковид 19“. „Бидете на зголемена готовност во Украина поради криминал и немири. Ризикот е зголемен во одредени области“, се вели во соопштението.

„Њујорк тајмс“ синоќа објави дека американскиот претседател Џо Бајден размислува да испрати неколку илјади американски војници во сојузниците од НАТО во Источна Европа и Балтикот.

Пентагон одби да го коментира извештајот на весникот, но истакна дека неговиот портпарол Џон Кирби во петокот рече дека „ќе се погрижиме да подготвиме опции за да ги смириме нашите сојузници, особено од источното крило на НАТО

Истовремени украинскиот министер за одбрана Олексеј Резников синоќа соопшти дека пристигнала втората пратка оружје од САД како дел од одбранбената помош од 200 милиони долари.

Вашингтон соопшти дека ќе продолжи да ја поддржува Украина поради загриженоста во Киев и меѓу нејзините западни сојузници поради десетици илјади руски војници стационирани долж границата со Украина. Русија негира дека планира воена офанзива.

– Втора птица во Киев! Повеќе од 80 тони оружје за зајакнување на украинските одбранбени способности од нашите пријатели во САД! И ова не е крајот, напиша Резников на Твитер.

Во саботата во Киев пристигнаа околу 90 тони „смртоносна безбедносна помош“, вклучително и муниција, од пакетот одобрен од САД во декември.

Украинскиот претседател Володимир Зеленски во петокот на Твитер изрази благодарност на американскиот претседател Џо Бајден за „досега невидена“ дипломатска и воена помош



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.