Рускиот опозициски весник „Верстка“ објави дека Белорусија почнала да гради кампови за борците на приватната воена компанија „Вагнер“.

-Камповите ќе бидат лоцирани во регионот Могилев во Белорусија, на приближно 200 километри од границата со Украина и ќе можат да примат осум илјади борци, пренесуваат руските медиуми.

Регионалните власти на Могилев, наводно, добиле инструкции да започнат со изградба на кампови.

Според изворот на „Верстка“, ќе има неколку кампови, од кои едниот ќе биде лоциран во близина на градот Осиповичи. Роднините на оние од групата „Вагнер“ потврдија дека платениците ќе бидат испратени во Белорусија.

-Вооружениот бунт во Русија заврши откако беше постигнат договор, во кој очигледно посредуваше Белорусија, објавија руските медиуми. Шефот на „Вагнер“ Евгениј Пригожин се согласил да ја напушти Русија и да замине во соседна Белорусија, објави во саботата портпаролот на Кремљ Дмитриј Песков. мс/сд/

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.