Двајца ученици се убиени, а уште две деца се ранети во пукање во близина на средно училиште во Чикаго, соопшти полицијата.

Портпаролот на полицијата соопшти дека пукањето се случило пред училиштето, нешто пред 15 часот во петокот, кога бил пријавен инцидентот.

Соопштено е дека четири деца биле пренесени во болница, каде кај едното момче било констатирана смрт веднаш по пристигнувањето, додека другото момче било во критична состојба и подоцна им подлегнало на повредите.

Други двајца тинејџери, момче и девојче, се здобиле со повреди кои не се опасни по живот, изјави портпаролот на полицијата.

Соопштено е и дека истрагата е во тек и дека во соработка со училишните власти се собираат информации за сите детали од овој инцидент, наведува американската агенција.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.