Генералниот секретар на НАТО Јенс Столтенберг изјави дека рускиот претседател Владимир Путин не успева во војната во Украина.

„Путин почна и мора да ја заврши војната – со повлекување на руските трупи од Украина“, додаде Столтенберг.

Тој го повика и претседателот на Белорусија Александар Лукашенко да ја прекине соработката со Кремљ.

„НАТО останува со Украина се додека е потребно“, рече генералниот секретар.

Според него, алијансата не учествува во војната, но помошта што ја даваат сојузниците води до промени на бојното поле.

Столтенберг посочи дека руските воздушни напади врз украински цели од почетокот на неделата се знак на слабост и покажуваат дека војната не оди според предвидувањата на Москва. Русија не успева да го запре напредувањето на украинските сили и нема алтернатива, додаде тој.

Генералниот секретар отфрли прашање на прес-конференција поврзано со одговорноста за бомбардирањето на мостот Керч (Крим). Според него, редно е украинските сили да дадат објаснувања.

Внимателно ги следиме руските нуклеарни сили и засега не известуваме за никакви промени, истакна Столтенберг.

Тој додаде дека НАТО е подготвен брзо да ги претвори сојузничките баталјони испратени на источното крило во бригади. Според него, сојузниците размислуваат за зголемување на военото производство и залихите на оружје.

Столтенберг најави дека следната недела НАТО започнува вежба на силите за одвраќање. Според него, овие активности се подготвувале уште пред почетокот на војната во Украина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.