Силниот раст на трошоците за електричната енергија го довело словачкото стопанство во опасност од колапс, вели премиерот Едуард Хегер во разговорот за списанието Financial Times, порачувајќи дека Словачка, доколку не добие помош ќе ја задржи струјата за домашните претпријатија и граѓаните.

Скокот на цените на енергијата по почетокот на војната во Украина, „ќе го убие“ стопанството, доколку Словачка не добие милијарди помош од Европската унија, изјави Хегер во интервјуто.

Словачка произведува многу струја, повеќето во нуклеарните и хидроцентралите, но нејзиниот најголем произведувач на почетокот од годината вишокот им го продал на трговците кои сега таа струја во термински договори ѝ ја препродаваат на Словачка по пазарни цени, повисоки и до пет пати од онаа по којашто ја купиле, пишува Financial Times.

„Словаците го купуваат за 500 евра она што го продадоа за 100 евра“, вели Хегер за Financial Times, додавајќи дека затоа планот на Европската комисија за оданочувањето на екстрапрофитите на произведувачите на струја нема да функционира во Словачка.

„Ако сакаме данок на екстрапрофит, мораме да го воведеме на европско ниво“, порачува словачкиот премиер.

Приходот од европскиот данок би требало да биде распореден меѓу сите членки на Европската унија, што на Словачка би ѝ донело околу 1,5 милијарди евра, проценува Хегер.

Смета и дека Брисел би требало да ослободи пет милијарди евра некористени средства од фондовите за регионален развој за намалување на енергетските сметки во претпријатијата.

„Во спротивно, словачките компании ќе затворат и всушност би можело да дојде до уривање на целото стопанство“, вели Хегер.

„Доколку Брисел на помогне, тогаш ќе мораме да ја задржиме струјата за нашите компании и домаќинства за да не пропаднат. Не го сакаме тоа, но доколку нема друга помош, ќе бидеме турнати кон таквото решение“, вели словачкиот премиер.

Го повика Брисел да го прошири данокот на екстрапрофитот и на посредниците во трговијата со електрична енергија, коишто, исто така, заработуваат на високите цени.

„Мораме да ги вклучиме трговците, затоа што мораме да сфатиме дека трговците сопственици на договорите“ за снабдување со енергија“, истакнува Хегер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.