Во Мексико повторно се одржуваат борби со бикови на најголемата светска арена, за прв пат по укинувањето на судската забрана.

Таканаречената „Фиеста Брава“, како што се нарекува борбата со бикови на шпански, ќе се врати на Плаза Мексико во главниот град Сиудад де Мексико, почнувајќи од 28 јануари по пауза од речиси 600 дена, објавија организаторите во четвртокот.

Арената објави промоции за претстојните борби со бикови на социјалните мрежи.

Активистите за права на животните успеаја пред судот во јуни 2022 година привремено да ги прекинат борбите со бикови во главниот град на Мексико. Сепак, Врховниот суд ја укина суспензијата.

Противниците на борбите со бикови го осудија страдањето и убивањето на биковите користени во рингот.

„Плаза Мексико“ има повеќе од 41.000 седишта, додека светски познатата корида Лас Вентас во Мадрид има место за нешто помалку од 24.000 гледачи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.