Најмалку 19 деца загинаа при пукање во основно училиште во Тексас во текот на вчерашниот ден, јавија американски медиуми, пренесе ДПА.

Во инцидентот загинаа и две возрасни лица.

Напаѓачот, на возраст од 18 години, е убиен од безбедносните сили, но, медиуми нагласуваат оти не е јасно дали и тоа лице се брои меѓу оние, кои го изгубија животот.

Си-ен-ен претходно информираше дека осомниченото лице ја убило баба си пред да се упати кон училиштето, цитирајќи повеќе извори.

Според бројот на загинати, пукањето во основното училиште Роб е најсмртоносно, уште од 2012 година, кога во основното училиште Сенди Хук загинаа 20 деца и шест други лица.

Се верува дека напаѓачот делувал сам „за време на ова грозоморно злосторство“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.