Две лица загинаа во престрелка во францускиот град Марсеј, јавуваат светските медиуми.

Според првите информации, инцидентот се случил во северниот дел на градот, а весникот „Паризиен“ истакнува дека во нападот тешко е повредено и трето лице. Според извештаите, станува збор за 20-годишен маж чиј живот е во опасност.

Нападот се случил во 13-тиот округ, кога сторителите испукале повеќе истрели кон возило на автопатот, се вели во извештајот.

Според информациите на ТВ мрежата „БФМ Марсеј“, убиените веќе ѝ биле познати на полицијата.

Идентитетот на жртвите засега не е познат, но извори наведуваат дека се на возраст меѓу 20 и 30 години.

Новинската агенција АФП наведува дека од почетокот на оваа година во тој дел на градот се убиени најмалку 22 лица, а во повеќето случаи нападите се поврзани со трговија со дрога.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.