Палестинската милитантна група Хамас потврди дека во денешниот израелски напад врз предградијата на Бејрут е убиен нејзиниот висок функционер Салех ал-Арури.

Вкупно шест лица загинаа во нападот што ги погоди просториите на Хамас, јавува либанската телевизија Ел Мајадин. Израелската армија се уште не го коментираше инцидентот.

Претседателот на Ликуд, партијата на израелскиот премиер Бенјамин Нетанјаху, Дени Данон ги пофали израелските безбедносни сили на социјалните мрежи за убиството на ал-Арури.

Израелскиот министер за финансии Безалел Смотрич на социјалната мрежа Х напиша: „Нека исчезнат сите наши непријатели“. Од друга страна, израелските медиуми посочуваат дека е испратена директива од Владата со која се наложува министрите да не зборуваат јавно за нападот на Бејрут.

Салех ал-Арури бил заменик лидер на Хамас во странство и наводно играл важна улога во организацијата на терористичките напади на Западниот Брег, пишува „Тајмс оф Израел“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.