Владеачката партија во Грузија воведе закон со кој ќе се ограничат правата на членовите на ЛГБТ заедницата, а нејзините политички противници велат дека тоа е обид да ги привлече гласачите пред изборите во октомври.

Нацрт-законот ќе забрани промена на полот и посвојување од страна на истополови двојки, како и собири насочени кон популаризација на истополовите семејства или интимни врски, се вели во резимето објавено од владејачката партија Грузиски сон.

Организацијата „Тбилиси Прајд ЛГБТ“ го нарече предлогот „хомофобичен“ во објава на Фејсбук.

Грузиската опозиција тврди дека анти-ЛГБТ агендата на Грузиски сон е обид да се придобијат конзервативните и неопределени гласачи и да се сврти вниманието од економските проблеми пред парламентарните избори во октомври.

Грузискиот устав ги забрани истополовите бракови во 2018 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.