Во Париз е уапсен маж кој со падобран скокнал од Ајфеловата кула. Поради инцидентот, кулата е отворена за посетители малку подоцна од вообичаено. Против сторителот ќе биде поднесена кривична пријава, пренесува Н1.

Човекот, кој е искусен алпинист, влегол во Ајфеловата кула кратко по 5 часот по средноевропско време.

Според управителот на објектот, компанијата за обезбедување Шете брзо го забележала. Сепак, тој успеа да се доближи до врвот на структурата висока 330 метри, од каде што скокна.

Тој слетал на блискиот стадион, каде што полицијата го уапсила поради загрозување на животот на другите.

„Поради овој неодговорен чин, луѓето кои работат на или под кулата се изложени на ризик“, се вели во соопштението на Шете. Се додава дека поднеле и кривична пријава против мажот.

Ајфеловата кула е главната туристичка атракција во француската престолнина. Минатата година, Ајфеловата кула привлече дури 5.9 милиони посетители.

Инцидентите во кулата се доста чести. Минатата недела, посетителите на кулата беа евакуирани двапати во еден ден поради лажна дојава за бомба. Во понеделникот пак, во кулата биле пронајдени двајца пијани американски туристи кои таму ја поминале ноќта.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.