Претседателката на Европската Унија, Урсула фон дер Лајен ја поздрави денешната одлука за започнување на операцијата „Аспид“ на поморските сили на ЕУ во Црвеното Море.

– Европа ќе обезбеди слобода на пловидба во Црвеното Море, работејќи заедно со нашите меѓународни партнери. Како одговорот на кризата, тоа е чекор кон посилно европско присуство за заштита на нашите европски интереси, наведе Фон дер Лајен во објава на Икс.

Советот на ЕУ донесе одлука за воспоставување на воена поморска безбедносна операција на Унијата за заштита на слободата на пловидба во Црвеното Море, која ќе придонесе за поддршка на сигурноста на главните поморски рути во регионот.

Операцијата „Аспид“ ќе ги опфаќа теснецот Бааб ал-Мандаб и Ормускиот теснец, како и меѓународните води во Црвеното Море, Аденскиот Залив, Арапското Море, Оманскиот Залив и Персискиот Залив.

Стратешката цел на операцијата е да обезбеди поморско присуство на Унијата во регионот со цел да се обезбеди слобода на пловидбата, да ги придружува трговските бродови во областа, заштитувајќи ги од напади со целосно почитување на меѓународното право, вклучувајќи ги принципите на нужност и пропорционалност.

Седиштето на оперативниот штаб на операцијата ќе биде во грчкиот град Лариса, а за нејзин командант е именуван комодорот Василеос Грипарис.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.