Украинската гранична полиција вчера запрела маж кој се обидел да ја напушти земјата и да побегне во Унгарија. Човекот ѝ предал документ на полицијата според кој е ослободен од обврската за општа мобилизација, пишува германски „Билд“.

Се испоставило дека се работи за генерал на украинската тајна служба СБУ, кој всушност и покажал на полицијата фалсификувани документи и воопшто не бил изземен од мобилизација. Заради бегство, неименуваниот генерал си го лишил чинот генерал и се преправал дека е обичен војник со потврда за воена неспособност.

Генералот бил спречен да ја напушти земјата, соопшти Украинската државна истражна канцеларија во Киев и бил уапсен. Против него е покрената истрага.

Украинскиот претседател Володимир Зеленски претходно изјави дека „нема време за работа со предавниците“, мислејќи на бригадните генерали на тајната служба на кои им ги одзеде воените чинови. Тој не откри што направиле за да им го одземат чинот.

Исто така, освен што ги критикуваше генералите, Зеленски ги пофали и другите членови на тајната служба за нивните напори од руската инвазија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.