Пратениците од Европскиот парламент дадоа зелено светло за поголеми овластувања на Европол во борбата против новите закани, кои ќе бидат придружени со подобра заштита на податоците и построг надзор.

Со 480 гласа „за“, 143 „против“ и 20 „воздржани“ Европарламентот формално го одобри договорот усвоен во февруари меѓу Парламентот и преговарачите на ЕУ за зајакнување на мандатот на Европол.

Европол обезбедува поддршка за националните органи во спроведувањето на законите и нивна меѓусебна соработка во спречувањето и борба против организираниот криминал и тероризмот. Неговата главна задача е да собира, анализира и разменува информации, вклучително и криминалистичко разузнавање.

Со зголемени овластувања, Европол ќе може да спроведува истражувачки и иновативни проекти, да обработува големи количества на податоци и да им помага на националните власти да ги истражуваат странските директни инвестиции во случаи поврзани со безбедносни прашања.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.